A hmasain Zotalk IRC Network hian server software or IRCd atana kan hman mek chu UnrealIRCd ani a. Tuna kan hman lai mek hi hemi ziah lai hi chuan version thar ber la ni rih in 3.2.7 a ni. Server IRCd hi amah ringawt chuan run theih tho mahse a nih tur ang a nih lohna chen a awm ve a. Mahse, services erawh hi chu server IRCd tel lo chuan a awmzia lo thung tih hria ila a tha awm e. Hemi anih avang hian kan nickname te leh channel te midangten an duh duh a an lo hman lohnan a hranpa in IRC services run a ngai ta a. Chung zinga lar ber leh khawvel huap pawha an hman tam ber chu Anope IRC Services hi ani. He services hi hman a awlsam mai bakah features a ngah bik em avangin Mizote pawh hian anmahni server services atan an hmang vek ti ila kan sawi sual tam awm love.

 

Mizote hian kan server services atan hian services inang vek hmang mah ila, version thar a rawn chhuah zel thin avangin tlemin commands te pawh paih leh belh emaw thlak danglam a awm leh zeuh zeuh thin. Hetih kawngah hi chuan server enkawltute kutah a innghat thui hle a. Server pakhata commands thar kha server dangah hmang tum ila a theih dawn loh a, chu chuan 'users' te hnenah tlemin buaina a thlen theih a rinawm. Server update/upgrade hi server enkawltute mawhphurhna sang tak a nih rualin, a hmangtu 'users' te hnena commands thar/paih/tihdanglam te pawh hriattir zung zung hi an tihtur a ni a,  chu chu hemi website in a tum ber pakhat ani bawk ani.

 

Server a kan connect reng rengin kan connect na server chuan eng server software (IRCd) leh services nge a hman tih awlsam taka hriat theih dan a awm a. Chumi en na chang hre tan chuan, 'ka commands thiam leh hriat ho kha hemi server-ah hian a hman theih ang em' tih awlsam deuhin a hriat theih a ni. A hriat dan awlsam ber chu, kan connect fel hmasa phawt anga, server IRCd software kan hriat duh chuan kan IRC client (mIRC, XChat etc.) atangin a hnuaia mi khu kan type ang:

 

/quote version

 

Chutiang bawkin, kan connect na server services hmanlai leh an services version kan hriat duh chuan, a hnuaia mi hi kan type ang:

 

/quote version serv*

 

Services chungchang bikah hian thil hriat tur pakhat a awm a. Chu chu a chunga mi /quote version serv* tih i type khian i connect-na server chuan an services hmingah services.blahblah.com an hman emaw a tirah services..... an hman chauhin an services version or software a hriattheih dawn ani. Entirnan, services hmingah blah.zotalk.services.com lo ni ta angse, a hriattheih dawn loh tihna ani. IRCop emaw Help Operator te emaw kan zawh chuan min lo hrilh (phal?) maithei bawk ani ;-)

 

A chunga kan sawi tawh ang khian Zotalk ah hian IRCd atan Unreal3.2.7 hman mek ani a, services atan chuan Anope-1.7.19-svn (1263) hman mek ani bawk. Hemi ziah lai hian latest version vek hman a ni. Eng vanga hemi site hi siam kher nge kan nih? A tul kher em ni? Khawvel a vir kual apianga ni thar a rawn inher chhuak ziah ang bawk hian Information Superhighway(?) ah hian thiamna pawh a pung chakin thil thar a chhuak reng bawka. Hemi anih avang hian server leh services bikah pawh a thar a awm ve reng zel a. Heng server a thil thar te hi users te hnena kan hriattir ve zel a tul avang leh mi in a hun leh tha te rim taka a thawh, tu hriat loha luanral tir mai mai hi a uihawm em vang ani. Hetih kawngah hian Server IRCd leh Services siamtu te (Unreal + Anope) hi an fakawm ka ti thin. Chuta kara rim taka an code sa, an commands siam, a HELP files nen an dah thlap, kan la chhiar peih lo thin hi chu sim a hun tawh takzet ani.

 

A tawp ber atan chuan Zotalk Services-ah hian commands tihdanglam leh commands siam thar a awm nual thin avangin he webpage hi ennawn thin zeuh zeuh turin kan inngen nise. A chunga navigation links atang khian IRCd emaw services a commands thar emaw tihdanglam emaw i hriat duh chuan relax and take your time ;-)