Nimin (August 15, 2008) khan Synod chuan Jewish Voice Ministries International atanga tam tanpuina an dawn atangin khaw thenkhat ah buhfai a sem.
    Buhfai hi avaiin bag 103 sem a ni a, khaw panga (5), Sesawng, Saitual, Keifang, Rulchawm leh Dulte-ah te sem a ni. Sesawngah hian chhungkaw 101 hnenah sem  a ni a. Saitual-ah hian hmun hnih (2)ah sem niin chhungkaw sawmli pathum (43) hnenah sem a ni a. Keifang Vengthar-ah chhungkaw sawmhnih pahnih (22), Rulchawm-ah chhungkaw sawmli (40) leh Dulteah chhawngkaw 90 hnenah Buhfai hi sem a ni. Buhfai hi chhung tin hnenah Kg. 15 zela sem a ni.

Vawiin khan Hnam Chhantu Pawl hmalakna peng pakhat handicrafts Mobile Exhibition cum Sale hian thil thum pathum a nei a Jiont Director Pu G Malsawm-dawngliana a hong
     He handloom honna -ah hian kut them-thiamna hmanga thil siam chhuah chi hrang hrang  chawisan leh ngaihhlut a hlawh chho mek zel chu  Joint Director Pu G Malsawmdawnglianan  a hongin thu a sawi a, handicrafts-a tui mi kan pun chhoh mek avangin lawmawm kan ti tak zet a. India ram chhungah mai ni lovin khawvel ram zau zawkah pawh Mizo kutchhuak thilsiam chi hrang hrang te chuan mi ngaihsan a hlawh mek zel a.

Vawiin chawhnu dar 1:25 khan Zuangtui PHE Store kawngpui ah Taxi MZO1 D 2575 in naupang kum 4 mi a su hlum.
    Traffic Police hnen atanga thu kan dawndanin taxi khalhtu Lalkhumtira kum 30 S/o Kapmawia Bungkawn chuan Thuampui atanga zuangtui lam pana a tlan chuan nuapang Lalrintluangi kum 4 D/o Lalnuntluanga zuangtui fanu chu a su thlu a, a sut thluk hnu hun rei vak loh hian Durtlang Presbyterian Hospital panpui a nih laiin Lalrintluangi hi a boral ta nia thu dawn a ni .

Minister Pu ZH Ropuia leh Zaithiam Zion-i Renthlei thlalak niawm tak tunlaia thendarh chu Zion-i Renthlei ngaizawngtu-in a tih nia hriat a ni.
    He thlalak hi pahnih, saruaka mu dun leh hmeichhia zawk a mala thlalak a ni a, he thlalaka mipa hi a hmel a lang chiah lova, Minister ZH Ropuia ang taka lang a ni a. Hemi chungchangah hian Aizawl Police Station ah August 14 khan FIR thehluh ani tawh a, Police ten thlalak lo chhuah dan leh thehdarh dan an chhui mek a ni.